Home » Quota International of Aruba a celebra Dia Internacional di Mucha cu un bishita yen di cariño na Dr. Horacio Oduber Hospital.

Quota International of Aruba a celebra Dia Internacional di Mucha cu un bishita yen di cariño na Dr. Horacio Oduber Hospital.

by Admin
0 comments 8 views

 

Na ocasion di Dia Internacional di Mucha, cu a wordo celebra ayera 20 di november, Quota International of Aruba a haci un bishita special na Departamento di Emergencia y Departamento di Pediatria di Dr. Horacio Oduber Hospital.

Durante e bishita, a parti teddy bears y snacks, como un gesto chikito pero cu yen di cariño y atencion na e pashentnan di mas chikito.

Cu e iniciativa aki, Quota International of Aruba kier a contribui na trece un sonrisa y un momento di alegria na e muchanan cu, pa motibo di salud, mester pasa tempo den hospital.

Pa Quota International of Aruba, e momentonan aki ta un recordatorio cu un gesto chikito por tin un impacto grandi.

Quota International of Aruba ta sigui dedica su mes na promove bienestar y sirbi comunidad di Aruba.

Quota International of Aruba

Lift Lives, Build Futures

You may also like