Home » CIENCIA Y ESPACIO Ex experto di NASA ta splica kico lo pasa den e prome tres simannan si humanidad logra contacto cu extraterestrenan

CIENCIA Y ESPACIO Ex experto di NASA ta splica kico lo pasa den e prome tres simannan si humanidad logra contacto cu extraterestrenan

by Admin
0 comments 1 views

Un ex experto di NASA a splica kico por pasa durante e prome tres simannan despues cu humanidad logra establece contacto cu bida extraterestre.

Durante decadanan cientificonan ta purba descubri si tin bida inteligente den espacio. Segun e experto Sylvester Kaczmarek un contacto cu extraterestrenan por provoca un reaccion mundial.

Na añanan 1970 NASA a manda señalnan den espacio profundo via su Deep Space Network. E señalnan por eventualmente wordo capta door di otro forma di bida inteligente.

Si un civilisacion extraterestre responde e señal por wordo detecta door di telescopnan grandi manera Very Large Array na New Mexico y FAST na China.

Kico lo pasa den e prome dos simannan?

Segun Kaczmarek cientificonan lo cuminsa analiza e señal pa determina si realmente e ta bin di un civilisacion extraterestre.

Gobiernonan di diferente pais lo involucra rapidamente especialmente paisnan cu programa espacial avansa y capacidad militar.

Sinembargo e experto ta indica cu inicialmente por tin confusion y diferencia di opinion entre gobiernonan prome cu nan logra yega na un estrategia mundial.

Nacionnan Uni por hunga un papel importante

Segun e experto Nacionnan Uni probablemente lo coordina un reaccion internacional via su oficina pa asuntonan di espacio exterior conoci como UNOOSA.

E organisacion aki ta supervisa cooperacion internacional den espacio y tin tratado manera Outer Space Treaty di 1967.

Humanidad lo responde na extraterestrenan?

Tur cos ta depende di e forma cu contacto ta tuma luga.

Si extraterestrenan bishita tera directamente lo mester di un reaccion inmediato.

Pero si humanidad ricibi solamente un señal di espacio profundo cientificonan y gobiernonan probablemente lo tuma mas tempo pa prepara un contesta.

Segun principionan internacional di SETI ningun pais mester responde na un señal extraterestre confirma sin prome busca orientacion y aprobacion di un organisacion internacional representativo manera Nacionnan Uni.

E experto ta enfatisa cu preocupacionnan di seguridad y interesnan politico por causa retraso den comunicacion cu publico.

Te ainda no tin prueba confirma cu humanidad a establece contacto cu un civilisacion extraterestre. E informacion aki ta basa riba un scenario hipotetico di kico por pasa si un contacto asina tuma luga.

Fuente: UNILAD Tech

You may also like