Detroit
Un pistool carga a causa un susto grandi na un luga di cuido di mucha den un bario pafo di Detroit.
Un mucha homber di tres aña a logra saca e arma di candela for di un rugtas y despues a dune na otro mucha. Empleadonan a interveni prome cu por a tira e arma.
Riba imagennan di camara a registra con e pistool a bay termina cerca e mucha nan den e luga di cuido. Despues polis a bay cu e arma di candela. Danki na e accion rapido di e personal, ni un persona a resulta herida pa tiro.
E arma ta riba nomber di e mama di 28 aña di e mucha homber. Investigadornan ta purba di determina awo con e mucha por a yega cerca un arma di candela carga na cas.
E echo cu despues e pistool a bay termina den un rugtas entre e otro mucha nan, a conduci na un investigacion penal contra e mayornan.
A persigui e mama pasobra husticia ta bisa cu e no a warda e arma di candela di e forma corecto. Pa esaki e por haya un castigo di prizon di maximo tres luna. E tata di 27 aña mester duna cuenta dilanti huez tambe. E ta wordo acusa di negligencia y por haya un castigo di prizon di maximo un aña pe.
E tata ta traha como agente policial na Detroit. A pone riba non-actief pa motibo di e caso y e no mag di usa su arma di servicio mas. Tur dos mayor ta nenga e acusacionnan.
Segun polis y husticia, e incidente por a termina hopi mas grave. Despues di tur cos tabata trata di un arma di candela carga cu tabata ta na un luga unda mucha chikito tabata core rond. E echo cu personal a descubri e arma lihe y a interveni, a evita cu a realmente e la tira esaki.
E luga di cuido di mucha a haci nan mes regla di siguridad mas estricto como consecuencia di e suceso. Rugtas cu mucha of mayor ta trece ta wordo controla di awor en adelante.
Cu esaki mester evita cu un arma di candela of otro obheto peligroso bolbe bay termina entre e mucha nan.