Home » Preso den prison di maxima seguridad ta ricibi McDonald’s y alcohol entrega via drone

Preso den prison di maxima seguridad ta ricibi McDonald’s y alcohol entrega via drone

by Admin
0 comments 364 views

Chicken nuggets, French Fries y alcohol: un preso den un di e complehonan di prison di mas maxima seguridad di Canada a ricibi tur esaki entrega den su cel via un drone.

E detectornan di movecion no a activa y segun medionan Canades, un of mas security camera tampoco no tabata traha. Gobierno di Canada a inicia un investigacion relaciona cu e accion di contrabanda remarkabel aki.

E drone a wordo bula door di desconocinan te na bentana di e preso. E homber ta cera den e compleho di prison banda di Sainte-Anne-des-Plaines, caminda den un seccion di extra seguridad ta tene e criminalnan di mas pisa di Canada cera.

E seccion ey ta den liñanan grandi comparabel cu e Extra Beveiligde Inrichting (EBI) na Hulanda.

E sindicato Canades di wardadornan di preso UCCO-SACC-CSN a haci e incidente conoci y a expresa critica fuerte riba e seguridad. Segun un vocero, e preso a haya esaki sumamente comico ora cu e guardianan a topa cu e cuminda y alcohol entrega den su cel.

E sindicato tin tempo caba ta adverti contra contrabanda cu ta drenta prisonnan via drone. Cu awor hasta fastfood ta wordo entrega, segun e sindicato ta lanta pregunta tocante kico mas por wordo treci paden.

E organisacion ta teme cu e tecnica por wordo uza tambe pa entrega articulonan mas peligroso, manera arma di candela, na e presonan.

E fayo den deteccion ta haci e incidente extra remarkabel. E detectornan di movecion no a activa y e canal di noticia TVA Nouvelles a informa cu un of mas security camera tabata for di servicio. E investigacion mester haci cla con e drone por a logra yega na e compleho di prison y pakico e sistemanan di seguridad no a nota e accion aki.

Na Hulanda tambe drones ta forma un problema creciente pa e prisonnan. E aña aki un homber a wordo sentencia despues di a entrega telefon y droga cu drone riba e pationan di aire liber di e prisonnan. Ademas, na 2024 tres homber a keda aresta kendenan, segun sospecho, tabata bula drone riba e prisonnan Hulandes desde 2021 pa entrega articulonan.

E gabinete pesey kier duna e prisonnan e posibilidad pa baha drones di contrabanda for di aire nan mes. Pa esey actualmente ainda mester di ayudo di polis.

E incidente Canades ta mustra con por uza drones pa alcansa sitionan cu tin vigilanci pisa, hasta ora cu tin medidanan fuerte di seguridad na vigor.

You may also like