Home » Pentagon: ehecucion di e shooter di Fort Hood lo ser transmiti live

Pentagon: ehecucion di e shooter di Fort Hood lo ser transmiti live

by Admin
0 comments 326 views

WASHINGTON — Pentagon a anuncia cu e ejecucion di Nidal Malik Hasan, e ex-oficial di ehercito cu a mata 13 persona y a herida 32 otro durante un atake na Fort Hood na 2009, lo ser transmiti live.

Hasan ta programa pa wordo ehecuta via un firing squad dia 3 di december na Fort Hood, Texas.

Secretario di Defensa Pete Hegseth a bisa cu e ehecucion lo ta “publico” y cu hende lo por mira esaki. Pentagon a confirma cu e ehecucion lo wordo transmiti na vivo, aunke mas detaye tocante e transmision lo wordo anuncia despues.

Presidente Donald Trump a aproba e ehecucion. E caso ta particularmente historico pasobra ta e prome ehecucion militar via firing squad desde despues di Segunda Guerra Mundial.

E ultimo ehecucion militar na Merca a tuma luga dia 13 di april 1961, ora un soldad di ehercito John Bennett a wordo horca.

Hasan, cu tabata psiquiatra di ehercito y tabata tin rango di major, a cuminsa tira den un edificio medico na Fort Hood na 2009. E atake a mata 13 persona y a herida mas di 30.

Hasan ta paralisa for di su cintura y ta usa un stoel di wiel. Su abogado anterior a cuestiona si ehercito a sigui corectamente tur e procedura necesario pa notifica y prepara e prisionero pa su ehecucion.

E ehecucion ta programa pa 1 or di atardi dia 3 di december 2026.

You may also like