Home » Mericano ta tira mata su amigo y shete miembro di famia, entre nan un muhe na estado

Mericano ta tira mata su amigo y shete miembro di famia, entre nan un muhe na estado

by Admin
0 comments 348 views

PENNSYLVANIA

Un homber di 45 aña a mata shete miembro di su famia y un amigo di famia cu tiro diabierna na estado Pennsylvania, Merca. Entre e victiman tabatin un muhe na estado y dos mucha. Despues di esaki, e homber a kita su propio bida.

E tiroteo a tuma lugar den un cas na e ciudad di Erie. Polis a bay e sitio despues di recibi yamadanan tocante tironan y a haya dos muhe morto riba caya, segun e hefe di polis a conta prensa mericano.

Polis ta investiga imagen di video cu a wordo graba durante e tiroteo. Den e imagenannan por mira con dos muhe, visiblemente altera, ta yega na e cas y purba drenta. Despues, e homber ta sali pafor, tira riba e dos muhenan y bolbe drenta e cas.

Agentenan policial rondona e cas y a purba logra pa e homber sali pafo. Mas despues, a resulta cu e homber a kita su propio bida.

Den e cas, polis a haya un mucha homber di cinco aña y un mucha muhe di un aña. E otro victiman tabatin entre 19 y 51 aña di edad. Un di e victimanan cu a muri tabata un muhe cu tabatin ocho luna na estado.

Polis ta sigui investiga e motibo tras di e tiroteo.

You may also like