Home » Apertura di campeonato di basketball diasabra 10 di oktober 2026 na Club Estrella

Apertura di campeonato di basketball diasabra 10 di oktober 2026 na Club Estrella

Homenahe na Gloria Croes di Estrella Basketball

by Admin
0 comments 208 views

 

 

 

E directiva nobo di Aruba Basketball Bond den su afan pa engrandece e deporte di basketball bek na Aruba ta start diasabra awo 10 di oktober 2026 cu su campeonato nacional 2026-2027. E miembronan despues di a warda mas cu un aña porfin lo experiencia un campeonato atrobe. E apertura lo tuma luga na Club Estrella na Sta Cruz cuminsando pa 6:30 di anochi cu un desfile di e teamnan for di mini te cu junioren. Aruba Basketball Bond ta conta actualmente cu 16 team den diferente division reparti entre 5 club miembro bon pa mas o menos 180 hungado hombre y muhe cuminsando di 9 aña. Meta di e Bond ta pa engrandece e deporte na tanto cantidad y calidad. Aruba Basketball Bond ta trahando hopi di cerca cu Nederlandse Basketball Bond (NBB) kende ta sostene basketball di Aruba cu curso pa entrenadornan y referee. Dos aña pasa NBB a duna un curso pa tur entrenador y actualmente tin 3 entrenador ta siguiendo e curso BT3 cu ta un curso reconoci rond Hulanda. Recien e bond di Hulanda a manda un instructor di referee pa un training di 4 dia na 15 participante. Durante e apertura diasabra awo lo duna reconocemento na sra Gloria Croes kende ta un persona cu a yuda basketball na Estrella inmensamente. MC pa e anochi aki lo ta e famoso MC di MMA sr Jerral Maduro y entretenimento lo ta bou encargo di DJ Sean Jansen. Nos ta invita tur e mayornan y fanatico di basketball pa bin club Estrella y apoya nos hobennan c uta practica e deporte di basketball.

 

 

You may also like