Home » Empleado di CIA cu 300 bara di oro na cas a confesa fraude di 167 miyon euro

Empleado di CIA cu 300 bara di oro na cas a confesa fraude di 167 miyon euro

by Admin
0 comments 358 views

Un empleado di CIA a confesa cu el a estafa gobierno di Merca pa aproximadamente 167 miyon euro cu misionnan secreto inventa.

David Rush (49) a uza su posicion pa haya baranan di oro, holoshi di luho extremadamente caro, apartamento di luho y vuelonan priva, paga cu placa di pagado di belasting.

Ora el a wordo aresta na mei, agentenan di FBI a haya casi 300 bara di oro den su cas. E balor total tabata aproximadamente 34 miyon euro. Ademas, nan a haya 35 holoshi di luho y aproximadamente 1.7 miyon euro na placa cash.

Rush a haci manera e articulonan caro tabata necesario pa un operacion secreto di CIA. Cu e mision inventa aki, el a logra convence gobierno cu e gastonan tabata necesario.

Pa un otro operacion ficticio, el a laga cumpra casnan di luho na Florida. E plan tabata pa bende e casnan despues cu ganashi. Tambe el a logra laga gobierno paga aproximadamente 1.6 miyon euro pa vuelonan priva.

Na principio, Rush tabata para ariba cu su gastonan tabata realmente relaciona cu su trabou. Awor el a confesa y ta coopera cu e fiscalnan. Pa e fraude, el por haya un castigo di hasta 20 aña den prizon.

Durante e caso, otro echonan a sali na cla. Rush supuestamente a filtra informacion tocante un fuente secreto na un gobierno di un otro pais. Tambe el a gaña tocante su experiencia militar y a haya ilegalmente decenas di miles di dollar na compensacion di e ehercito di Merca.

Director di CIA John Ratcliffe ta bisa cu Rush a abusa di su posicion y a traiciona e confianza di gobierno di Merca y publico.

E caso a lanta tambe pregunta tocante supervison dentro di CIA: con ta posibel cu ningun hende a haci pregunta tocante e cantidad grandi di placa aki cu Rush tabata gasta?

You may also like