Home » Caso contra e Venezolano Bracho Pineiro cu a mata su mama lo wordo trata Maart 2027

Caso contra e Venezolano Bracho Pineiro cu a mata su mama lo wordo trata Maart 2027

by Admin
0 comments 9 views

ORANJESTAD – E homber Venezolano, Eliezer Bracho Pineiro (44) a presenta dilanti Hues pa e caso penal cu Ministerio Publico a cuminsa contra dje.

ARUBA NATIVE por a compronde cu e caso penal no a wordo trata pasobra ainda falta raportnan. Hues a dicidi cu otro aña Maart 2027 lo trata e caso.

Bracho Pineiro ta wordo acusa cu entre 23 y 25 Mei 2026, el a mata su mama den cas. El a bati su mama te mat’e. Hues a bisa cu na Augustus 2026 tabatin pro forma y awor ta sigui cu “regie zitting”. Hues kier sa si tin peticion pa mas investigacion.

AINDA FALTA RAPORT DI PSYCOLOGO Y PATOLOGO

Fiscal a bisa Hues cu e procesverbaal di Polis a keda cla y a wordo entrega. E raportnan di Reclasering y psychiater tambe ta cla. Fiscal a bisa Hues cu e acusado no kier a coopera cu e investigacion di psycologo. Despues via abogado, e acusado a bisa di ta coopera cu psycologo. Fiscal a sigui bisa Hues cu e patologo no a keda cla cu e raport. Fiscal a propone pa trata e caso 12 Maart 2027 pa 8.30 di mainta.

Abogado mr. Canwood a bisa Hues cu awor ainda e no tin peticion di investigacion. E ta kere cu ora e haya e raportnan, e lo laga sa.

You may also like