Home » Henry Núñez Bahamón a firma acuerdo den corte den caso cu Ishwar Daryanani

Henry Núñez Bahamón a firma acuerdo den corte den caso cu Ishwar Daryanani

Informacion compila for di Dayanani su FB

by Admin
0 comments 18 views

ORANJESTAD – Un disputa riba social media entre empresario di media Ishwar Daryanani y Henry Núñez Bahamón, cu segun e demanda original a cuminza na 2024, a resulta den un acuerdo cu a keda registra oficialmente den corte dia 18 di november 2026.

Daryanani a presenta un demanda civil na december 2025, argumentando cu su reputacion personal y comercial a sufri daño. Núñez Bahamón a rechasa e acusacionnan a traves di su abogado, Sr. J.J.C. Odor.

Durante e audiencia dilanti di Corte den Promer Instancia di Aruba, Núñez Bahamón a firma e acuerdo, declarando cu e declaracionnan anterior riba social media no tabata berdad. Ambos partido a expresa cu nan ta lamenta y a reconoce cu e conflicto a surgi debi na circunstancianan personal.

E acuerdo ta obliga ambos partido pa no haci mas declaracion riba social media tocante otro, cu excepcion di cierto situacionnan cu tin relevancia pa noticia. Pa cada violacion di e acuerdo, un multa di AWG 5.000 ta aplica.

E registro oficial di corte por wordo publica sin comentario adicional. E acuerdo ta inclui cu ambos partido ta renuncia na cualkier otro reclamo contra otro.

Un caso cu segun nos a compronde, cu lo tawata andando 3 aña y cu awor ta parse e la keda resolvi pa ambos partido.

You may also like