Home » Polis ta haya arma di candela; ariba motociclista cu a accidenta

Polis ta haya arma di candela; ariba motociclista cu a accidenta

by Admin
0 comment 228 views

Tanki Leendert – Diadomingo anochi ya laat, polis di trafico den area di Tanki Leendert lo a duna un brommer marca Sigma un stopteken.

Pa un of otro motibo e persona arina e brommer, un hoben lo a dicidi di sigui bay y e agente di trafico a bay su tras. Pues a start un persecusion.

Den e camindanan den Tanki Leendert parti paden poco panort di Sikkens e motociclista ta accidenta.
Esaki a pasa momento cu e brommer a subi ariba tera parti pariba di caminda, hera un palo di luz pa bay dal contra e parti patras di un Yaris staciona.

Ey e la keda benta abou, unda cu polis mester a pidi pa un ambulance.

E situacion a cambia tambe y bira uno mas serio, momento cu polis a bin haya un arma di candela sea den brommer of ariba e motociclista; tur esaki mientras ta wardando ariba ambulance.

Ambulance a presenta, y Paramediconan a take over y prepara pa hiba e motociclista Hospitaal unda cu despues di wordo trata, y si e no ta hopi grave lo wordo deteni y hiba warda di polis. Ey e lo wordo cera pendiente investigacion.

Departamento tecnico di polis a wordo poni na altura y a yega e sitio pa haci nan parti. E brommer a wordo confisca tambe.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio