Home » Tiramento dilanti ex Kong Fui na Meiveld

Tiramento dilanti ex Kong Fui na Meiveld

by Admin
0 comment 108 views

Meiveld/ Dr. Horacio Oduber Hospitaal – Diahuebs atardi rond di 4’or polisnan a bay cu urgencia e supermarket unda antes tawata Kong Fui. Eynan lo a tuma luga yn caso di tiramento y lo tin hende herida.

Informacionnan na prome instante tawata bastante confuso di locual a sosode. Varios testigo a scucha e tironan.

Papiando cu un testigo cu net tawata pasando eybanda a conta cu e la tende un tiro y despues a mira e autonan, un Kia Cerrato color bruin y un Hond Fit color scur.

Locual a wordo papia tawata cu esnan den e Honda Fit pa un of otro motibo lo a bringa cu chauffeur di e Kia Cerrato, esaki nan su turno lo a logra kita di nan y sea a bay den su auto y saca e arma y a tira.
E otro probabilidad ta cu e chauffeur di e Kia Cerrato lo por tawata tin e arma ariba dje.

Momento cu e tironan a cay, esnan den e Honda Fit lo a core y probablemente te hasta laga un par di slof atras. Un ocupante di e Honda Fit tawata otro banda di caminda y a cora drenta e Honda pa huy.

Aki e Kia Cerrato a sali bay nan tras, ambos cu velocidad halto y e prome caya na man drecha ambos a lora pa bay sali na Morgenster.

Mientrastanto autoridad a cuminsa busca area Morgenster y Rooi Afo pa mira si ta topa cu e vehiculonan pero nada.

Despues lo mester a cuminsa un investigacion ariba e area unda a tira, pa mira si tin huls of otro cos.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio