Home » MANA ta celebra Dia di Museo 2024 cu programa pa publico enfoca riba Investigacion y Educacion

MANA ta celebra Dia di Museo 2024 cu programa pa publico enfoca riba Investigacion y Educacion

by Admin
0 comment 54 views

Diasabra, dia 18 mei awor, MANA – Museo Arqueologico Nacional Aruba, y algun otro museo mas, ta habri porta pa celebra Dia Internacional di Museo. E tema cu e International Counsil of Museums (ICOM) a stipula pa Dia Internacional 2024 ta Investigacion y Educacion. Investiga y Educa ta e dos metanan mas importante den MANA su mision. E dia di celebracion aki MANA lo ofrece bishitantenan un programa educacional basa riba investigacion y alavez lo lansa oficialmente su website nobo. Porta lo ta habri entre 10’or di mainta pa 2’or di merdia y pa entrada ta pidi un donacion boluntario.
Bou e nomber National Archaeological Museum Aruba MANA lo lanza su website nobo pa 10.30’or di mainta den un forma festivo den auditorio. Meta di e website ta pa informa, educa y duna mas y miho servicio na comunidad di Aruba y internacionalmente. Informacion cu MANA ta duna su usuarionan ta a base di investigacionnan haci. E website ta brinda informacion actualisa di MANA.
E tema Investiga y Educa ta ser concretisa tambe den un charla di arkeologo Raymundo Dijkhoff. Su titulo ta Oruma: Playa, un perspectiva arkeologico y lo tuma lugar di 12.30 pa 1.30’or di merdia den auditorio di MANA.
Pa esnan cu ta desea di wanta stoma lo bende un variedad di cuminda chikito. Entre otro lo tin sopi di cabrito, pan cu tuna, Jhonny Cake cu bacalou of keshi, koffie, te (bush tea), juice, bolo Upside Down y bolo di wortel vegano.
Manera ta custumber na MANA lo tin actividad continuo pa mucha tambe. Asina mayor cu ta desea di sigui e presentacion por haci esaki mientras nan yui ta deleita su mes cu obra di man.
Bin mira tur locual tin nobo den salanan di exposicion, scucha y intercambia cu arkeologo Dijkhoff tocante investigacionnan y desaroyo di Playa y educa bo mes un tiki mas riba historia di nos antepasadonan.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio