Home » E cantante Jennifer Lopez ta cancela su Tour Di Zomer, poco prome cu e la cuminsa

E cantante Jennifer Lopez ta cancela su Tour Di Zomer, poco prome cu e la cuminsa

by Admin
0 comment 177 views

E cantante Jennifer Lopez a cancela su tour pa Norte America, cu tabata programa pa cuminsa na final di e luna aki. Den un comunicado, su team a scirbi cu “e ta tuma tempo pa ta cu su yiunan, famia y sernan keri”. Ademas, no ta duna un motibo cla pa e cancelacion.

E lo ta su prome tour den cinco aña, pa e prome album cu e ta lansa den diez aña. Tur hende cu a cumpra un karchi ta haña nan placa bek. E cantante di 54 aña ta bisa cu e ta haya teribel ” pa decepciona boso. Bo mester sa cu nunca lo mi hasi algu asina si no tabata nesesario.”

Segun e revista di entertainment Variety, e noticia no ta un sorpresa completo: benta di entrada pa mayoria di e conciertonan no a bay facil. E revista ta mustra cu casi no a bende ticket mes ariba Ticketmaster pa varios luga unda Lopez tabata supose pa presenta. Na maart, e cantante a cancela shete concierto pa e motibo ey.

Den e ultimo simannan, tabatin speculacion online riba Lopez, tambe conoci como JLo, y su matrimonio cu actor Ben Affleck. E dosnan prome tabatin un relashon entre 2002 y 2004. Nan a separá, pero añanan despues nan a reuni y a casa na 2022.

Den un entrevista siman pasa, JLo no a contesta e pregunta si Bennifer a yega su fin. “Bo sa miho cu esaki”, e la bisa durante un entrevista, haciendo duidelijk cu e no ta contesta ningun pregunta tocante esaki.

COMPORTACION HOPI AROGANTE

JLo ta bou atake den medionan social ultimamente. Den su documental nobo The Greatest Love Story Never Told, e ta papia di su infancia den New York districto di Bronx. Segun algun fanatico, ta e di diesun biaha cu e ta papia di su juventud den un bario pober y di tur loke e la pasa den eynan.

En particular ariba TikTok, hende a cuestiona e autenticidad di su storia, bisando cu mayoria di nan ta tratando di parce masha “humilde” mes. López no a biba na Bronx mas for di e edad di 18 aña, pero ainda E ta presenta su mes como Jenny From The Block.

Den e controversia, mas storia a surgi, unda cu personanan cu a topa cu ne a papia over su caracter y comportacion. JLo no ta asina accesibel pa su fanaticonan, pero si ta comporta su mes hopi arogante.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio