Home » Kia Rio horta ayera, haya desmantela den mondi na Hato

Kia Rio horta ayera, haya desmantela den mondi na Hato

Keto bay autonan marca KIA ta wordo horta

by Admin
0 comment 107 views

Hato – Diahuebs den oranan di merdia Joyriding Team di Polis a logra haya un Kia Rio color blanco den mondi panort di EPB HATO.

Lamentablemente nos mester bisa cu e hortamento di e autonan marca KIA ta continua.

Recherchenan a bin topa cu e Kia Rio aki, horta ayera nochi den careda di 10:45 na Tanki Leendert.
Y pa diahuebs merdia, nan torna basta cos for di dje manera por mira tur 4 tire gone. Esey ta sin conta partsnan cu ta wordo kita aki aya.

Polis a solicita pa departamento tecnico pa saca potret y trata na haya vingerafdrukken ariba e auto.

E resto y esaki ta parti sumamente tristo, e famia mester paga takelwagen tambe pa saca e auto y hibe cas. Un bista tristo ora cu e auto yega cas bek y mas ainda si ta pagando banco.

Ariba nos imagennan di Drone, por mira e caminda di tera cu ta basta largo bay paden, eynan den oranan di marduga nan a sinta na smaak “pluma” e auto. Esaki por ta un indicacion cu esnan cu a horta e RIO ta ladronnan di auto cu tin trayectoria caba. Banda di e Kia Rio tin resto di un Toyota Tercel pluma tambe, no ta conoci cuanto tempo e lo tin eynan benta.

Mas trempan un otro Kia Rio a wordo horta for di un caya na Ponton.

Algun tempo atras ora cu Aruba a cuminsa hay’e confronta cu e tantisimo ladronicia nan di e autonan KIA, a bisa cu a detene un grupo di persona.

Pero, den e mesun tempo eynan e ladronicianan a continua.

TIPNAN PA PROTEHA BO VEHICULO

– Parkeer semper unda cu tin luz y camara di siguridad. Lock bo auto bon.
– Instala alarma pa auto si acaso e no tin
– Usa stuurwielklem, e lo tarda nan un poco mas pa bay cu bo auto.
– Instala un Antitheft Killswitch.No ta algo costoso y ta evita pa nan bay cu bo auto.
– No laga bo auto staciona camindanan scur of bandona, si bo tin cura semper y cuando hink’e den cura y pone camara di siguridad of lusnan cu ta motion detector

Awendia auto no ta un luho pero un necesidad, e ta nos medio di transporte. Mayoria di persona ta haci un debe cu banco pa por cumpra un auto y tur luna mester paga 500 of mas pa algun anja y sigur ta haci hopi dolor ora cu bo perde door di maldad di otro, cu sigur no sa tur e sacrificio cu un hende hopi biaha mester haci pa yega na un auto. Spera cu pronto autoridad cuminsa pone man duro cu e ladronnan aki.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio