Home » Homber(44) envolvi den pelea na Meiveld ta yega Poli cu herida di bala

Homber(44) envolvi den pelea na Meiveld ta yega Poli cu herida di bala

by Admin
0 comment 144 views

Dr.Horacio Oduber Hospitaal – Diahuebs atardi dilanti un supermercado na Meiveld a sosode un bringamento entre algun homber. Mester bisa cu e bringamento segun informacion no oficial tawata trata di dos a tres homber contra uno.

Eynan varios tiro lo a cay y e autonan a sali un tras di otro cu velocidad halto.

Algun minuut despues di incidente aki ta yega na Spoed Eisende Hulp(Poli) un Kia Cerrato color bruin, e lo tawata envolvi den e problema na Meiveld.

E chauffeur lo a baha core bay paden y tawata herida.
A bin compronde cu e homber aki a ricibi impacto di bala y tawata mester a wordo opera cu urgencia.

Polisnan cu a yega mesora Hospitaal despues di a wordo avisa a controla e auto, y ta bin haya un arma di candela y den auto tawata tin basta sanger.

Mesora a sigura e auto pa asina e departamento tecnico yega y su parti di investigacion.
Mientras cu despues mester bay tuma muestra di e victima, o sea di polvo ariba su curpa.

Investigacion lo tin di saca afo si tawata tin intercambio di bala durante e tiramento. Y aki ta unda cu e chauffeur di e Kia Cerrato mirando cu e la haya impacto di bala a tuma direccion Hospitaal mesora mirando cu e tawata perdiendo sanger di e herida di bala.

Un hipotesis ta cu durante e pelea y momento cu e la bay pasa man pa e arma esaki lo a tira y herida su mes.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio