Home » Arubiano cu logro historico den exterior

Arubiano cu logro historico den exterior

by Admin
0 comment 284 views

Amsterdam – Luna di Mei a cuminsa cu un logro historico pa un di nos yiunan di tera. Ta trata di Jonathan G. Hoepel, Instructor cualifica pa e International Civil Aviation Organization (ICAO) y ex empleado di AAA, bibando na Hulanda.
Recientemente Jonathan a duna les na e National Aviation Academy na Baku, Azerbaijan, certificando 10 persona como Instructor den Aviacion. Un logro grandi pa yega te Asia y representa nos baranca chiquito te einan. Jonathan ta duna e Training Instructors Course (TIC) cu hopi passion na varios occasion durante e aña, haciendo un impacto grandi den e mundo di Aviacion. “Mi mision semper tawata pa haci un impacto den Aviacion na Aruba; pero desde cu ma acepta e reto pa continua mi carera na Hulanda, Dios a habri e fronteranan pa mi haci un impacto mundial”.
Dos aña pasa Joint Aviation Authority Training Organisation na Hulanda a reconose e capacidad den Jonathan y a nombre como nan Quality & Compliance Manager. Apenas 1 aña después, Jonathan ta duna les na Amsterdam y ademas duna charlanan na Directornan General di full Europa. Participantenan di Sweden, Bahamas, Belgium, Estonia, Rwanda, Saudi Arabia, Canada, Armenia, Italia, Denmark, Curaçao y tambe ex coleganan di Aruba ta atende su cursonan. Cu poder di Dios, Jonathan ta gradua na December cu un Masters of Science den Aviation Safety.
Ta admirabel pa wak con un otro yiu di tera ta haci un impacto rond mundo.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio