218
Arubaanse Voetbal Bond (AVB) a tuma nota di e susedido cu a tuma lugar fin di siman caminda arbitro sr. Luis Bedoya a ser agredi seriamente na un torneo amistoso cu a wordo organisa door di Sv La Fama. AVB kier expresa su sosten pa sr. Bedoya y manda deseo di pronto recuperacion.
Cuerpo di arbitro a aserca AVB Diadomingo 1 Oktober pa expresa nan preocupacion cu e agresion cu ta escalando contra di oficialnan y a informa AVB di nan decision dificil di no fluit niun wega mas te ora mihor medidanan wordo tuma pa mitiga agresion contra abritronan.
AVB a suspende e weganan cu tabata programa pa Diadomingo 1 Oktober te cu proximo aviso mirando cu refereenan a indica cu nan no lo traha door di e sucedido di diasabra pasa.
AVB ta trahando activamente pa un solucion. Mientras tanto, weganan no lo tuma lugar mientras ta den deliberacion. E meta ta pa por yega na otro mas liher cu ta posibel.