Home » Kick-off – III Aruba Food and Beverage Association Job Fair Juni 2024

Kick-off – III Aruba Food and Beverage Association Job Fair Juni 2024

by Admin
0 comment 103 views

Aruba Food and Beverage Association (AFBA), ta organizando e di 3 version di su Job Fair, cu lo tuma luga dia 12 di Juni proximo na Aruba Renaissance Convention Center. E Job Fair aki ta organiza pa duna nos miembronan di AFBA un espacio pa esnan interesa promove y ofrece puestonan di trabow den nan organizacion. E ta un Feria di un solo dia, unda studiante, personanan cu ta interesa pa un trabow fijo o di trabow adicional por aplica y hanja un puesto laboral e mes un dia.

E dia aki AFBA lo trata di hasi actividadnan atractivo y lo tin premionan cada hora pa esnan presente.

AFBA Job Fair na 2023 a atrae mas di 2000 persona y por a ofrece mas di 500 puesto di trabow, algun por a ser cubri durante e feria. Pa e anja aki nos ta spera di surpasa e cantidad ak.

Manera cu nos ta bin ta vocifera pa basta tempo den nos indutria di alimento y bebida tin cupo di trabow disponibel dificil di cubri. Aunkue nos como organizacion ta habri pa hanja ademas trahado temporal o half time, no ta logra jena e cuponan existente.

Nos ta sigui reuni cu instancianan educativo na Aruba pa atrae studiante o graduando pa asina por logra ofrece un trabow pa esnan interesa. Nos prioridad principal ta pa brinda oportunidadnan di trabou na ciudadanonan di Aruba, ya cu e proceso di aplicacion pa permiso por ta compleho y tuma hopi tempo. Apesar di esaki, nos ta colaborando activamente cu agencianan gubernamental pa identifica manera di simplifica e proceso y hacie mas atractivo pa buscadornan di trabou stranhero y asina cubri e puestonan di trabow existente.

Cu apertura di diferente hotel y negoshi na Aruba, AFBA ta premira cu lo mester mas di 3,000 puesto di trabow den e proximo anjanan.

Ta spera cu pa e AFBA Job Fair aki nos lo logra juda nos miembronan y establecimientonan participando hanja nan meta di por contrata persona interesa pa traha den Horeca.
Nos ta invita tur studiante, buscador di trabou, of cualkier persona interesa pa obtene informacion pa bin y bishita nos na Aruba Renaissance Convention Center dia 12 di Juni for di 9 am pa studiante y pa 10 am te 7 pm poblacion en general.

AFBA ta un organizacion profesional distingui comprometi pa promove y avanza e industria di cuminda y bibida aki na Aruba. Sirviendo como un nexo pa networking, colaboracion, y defensa, nos asociacion ta uni empresa y individuonan den tur aspecto di e sector di cuminda y bibida na nos isla.

Emision di AFBA ta bai mas leu cu un simple promocion; nos ta activamente traha pa mehora e panorama culinario di Aruba. Sea defende politicanan favorable pa e industria, o facilitando iniciativanan educativo pa profesionalnan, AFBA ta dedica pa crea comunidad y excelencia den nos industria. Uni stakeholders di restaurant, bar, café, hotel, tienda, y otro establicimentonan, pa logra eleva e reputacion culinario di Aruba tanto na nivel Local como Internacional.

Ademas di nos meta primario, AFBA ta sirbi como un vocero pa su miembronan, defende interesnan y asegura beneficionan colectivo cu pa empresanan individual por ta dificil pa logra riba nan mes. Cu e forza colectivo aki nos ta negocia cu agencianan Gubernamental, proveedornan, y otro stakeholder pa asina defende y atrae beneficionan pa nos asociadonan.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio