Home » Torneo 3X3 Na Aruba Juniors diasabra y diadomingo Organisa pa Aruba Basketball Bond

Torneo 3X3 Na Aruba Juniors diasabra y diadomingo Organisa pa Aruba Basketball Bond

by Admin
0 comment 105 views

Diasabra y diadomingo awo lo tin riba cancha di basketball na Aruba Juniors un torneo di basketball 3X3 den divisionnan U16 y U22.

Total 18 team a registra. 8 den categoría U22 y 10 den categoría U16. Aruba Basketball Bond ta organisa e torneonan aki bou auspicio di FIBA. Nederlandse Basketball Bond tambe ta wak e torneonan 3X3 di cerca. Door cu e torneo di 3X3 no ta mara na club tin teamnan cu a wordo forma pa hungadonan di diferente organización. Esaki ta hopi bon pa motibo cu ora di forma selección hungadonan mester adapta na otro.

Diasabra lo hunga 24 wega cuminsado 9:30 mainta. Esaki ta e buelta elimonatorio. 6 team di cada categoría lo clasifica pa hunga playoff diadomingo. Diadomingo weganan ta cuminsa 11or mainta. Duracion di weganan 3X3 ta 10 minuut cu un time out pa wega. Teamnan ta consisti di 4 hungado di cual un ta reserve. Aruba Basketball Bond lo supervisa e weganan y tur wega lo wordo registra riba FIBA su website. Di e torneo aki lo saca hungadonan cu lo representa Aruba den exterior. E Siguiente torneo lo ta den categoría open. Esaki lo tuma luga diana15 y 16 di juni 2024. Lo tin música henter dia y loke no ta falta ta un bar y cushina bon surti. Tur fanatico di basketball ta cordialmente invita pa bin apoya nos atletanan.  

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio