Home » Polis y militar a reenforsa lasonan fuerte bek TRAHANDO HUNTO PA SEGURIDAD NACIONAL DI PAIS ARUBA

Polis y militar a reenforsa lasonan fuerte bek TRAHANDO HUNTO PA SEGURIDAD NACIONAL DI PAIS ARUBA

by Admin
0 comment 101 views

MACUARIMA, ARUBA: Den ultimo siman nan tabata tin combersacionnan entre Altocomisario di Cuerpo Policial Aruba Sr. Arnhem y Comandante di Mareniers Kazerne Savaneta Sr. Van Wijk. Den e combersacion aki nan a explora huntu con pa renoba y re-establese e colaboracion entre Cuerpo Policial Aruba y Defensa Hulandes cu ta dirigi Marina Real na Mareniers Kazerne Savaneta cu a keda para pa un tempo.

Pa promove e seguridad di nos pais, KPA ta pone enfasis na desaroyo nobo di coalicion di seguridad y como tambe reforsa e lasonan existente den e proximo añanan. Defensie,Marina Real tin diferente tarea den diferente area pero e acepto di seguridad di Pais Aruba ta keda nan prioridad di mas halto. Den esaki Altocomisario Sr. Arnhem huntu cu Comandante Sr. Van Wijk tin intencion serio pa traha mas hunto. Marina Real abase di peticion lo brinda sosten na KPA y lo yuda reforsa diferente operación nan policial si ta necesario.

” Defensie,Marina Real ta un tremendo partner cu tin experto riba nan tereno y ta uza materialnan inovativo. E colaboracion aki por ta hopi beneficioso pa combati criminen nan specifico, pero tambe pa mehora nos profesionalismo. Nos por siña for di otro, entrena, traha hunto y consulta cu otro den operacionnan specifico” tabata palabranan di altocomisario Sr.Arnhem

Ademas ambos kier a invita e comunidad di Aruba pa e Opendag di Mariniers Kazerne Savaneta cu lo tuma lugar dia 1 di mei venidero. E dia aki KPA tambe lo ta presente. Sr. Arnhem ta bisa cu ta hopi importante pa tin encuentronan asina pa comunidad por conoce nan mas di serca y como tambe brinda e oportunidad pa pueblo por experencia e bunita trabao cu cada tin di ofrece. Tambe e ta un oportunidad pa haya futuro militar y polisnan.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio