Simeon Antonio/ Parkietenbos/ Mahuma:
Diadomingo den careda di 7’or y mey di anochi, algun motociclista y automobilista a dicidi di bay pusta riba e caminda di Barcadera. Esaki sin permiso y strobando orden publico nan a cera e caminda pa trafico no por a pasa riba e caminda, asina poniendo nan bida y di otronan na peliger.
Na momento cu automobilistanan tabata trata toch na pasa riba e caminda di Barcadera nan tabata wordo insulta pa e motociclistanan y e mironesnan di e pustamento ilegal. E situacion a bay asina for di man cu ni polis nan no kier a laga pasa.
Esaki a pone cu e patruya di polis a pidi refuerso di nan coleganan di districto di Santa Cruz, Playa y San Nicolas, Mesora e pustamento a yega na su fin y e automobilistanan y e motociclistanan core bay for di e sitio. Polis a para na e rotonde di Mahuma pa si acaso e motociclistanan subi rotonde Mahuma. Ariba e caminda di e rotonde Mahuma bay zuid casi yegando e T kruising. Polis a bin para un Motociclista. Tambe den Alablancastraat nan lo a sconde un brommer, den Gonzalitostraat tambe polis lo a bin topa cu otro brommer scondi.
En total a detene tres persona y a confisca algun brommer cu nan papelnan no tabata na ordo. E brommer nan a wordo transporta riba takelwagen pa warda di Balashi, un patruya di polis a companja e takelwagen pa si acaso e motociclistanan haci problema cu chauffeur di e takelwagen.
