Home » Reina R. Carolin Roga(33) a bira e di 5 victima den trafico aki na Aruba

Reina R. Carolin Roga(33) a bira e di 5 victima den trafico aki na Aruba

by Admin
0 comment 268 views

Camacuri – Diadomingo mainta den careda di 6’or polis a bay cu urgencia ariba e caminda di Camacuri, unda cu un auto a bolter y e lo tin un persona pega bou di e auto.

Polis cu a yega mesora a bin topa cu un Nissan Cube y berdad tin un persona bou di e auto. Tawata trata di un dama.

Mesora a pidi pa materiaalwagen y tambe ambulance cu urgencia.

Lamentablemente mucho no por a wordo haci mas, debi cu e chauffeur di e Nissan Cube a fayece.

Di locual nos por a mira na e sitio y tambe locual polis a confirma cu ta su so a perde control. E auto lo tawata biniendo di pabou y a hala bay na su man drechi ranca un borchi di trafico pa despues bolter y keda ariba su banda.

E impacto a causa cu e dama a wordo saca di e auto y esaki a cay ariba dje.

Instancia nan concerni a wordo notifica y mesora a cera e caminda principal pa e trabounan di rescate por a cuminsa y asina saca e curpa for di bou di e auto.

Dokter Texier a yega e sitio y pa 7’or y 10 e ta constata morto di Reina R. Carolin Roga naci 22 di september 1990 na Aruba, pues e tawata tin 33 aña. E ta laga 4 yiu atras.

Esaki ta bira e di 5 morto den trafico na Aruba.

Arubanative.com ta manda palabra di condolencia na famia y conocirnan di Reina.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio