Home History of Aruba Historia di Aruba: E desaparecido aviado G.E.H. Schijns

Historia di Aruba: E desaparecido aviado G.E.H. Schijns

SHARE

E biaha aki nos lo dedica historia di Aruba, na un tragedia cu a sosode  na 1931.

De Verdwenen Nederlandsche Vliegenier G.E.H. Schijns

Riba 17 di November 1931, a bin sali na cla cu e aviado G.E.H. Schijns a desaparece, na Antiyas hopi hende tabata convenci cu Schijns lo a cay cu su avioneta den lama y a hoga.

Schijns tabata un piloto/ aviado, di un avioneta chikito di un aviado y un pasahero, tabata trata di un Pander EF 85 y tabata usa e avioneta aki pa hiba y trece personanan for di Aruba pa Corsou y vice a versa.

Diadomingo 15 di november 1931, Schijns semper contento a haci un buelo riba Willemstad, tirando biyetenan abou, tambe e la hiba algun persona keiro den su avioneta pa asina nan por a mira Corsou for di halto, cada un a haya chens di a disfruta di un bunita bista di Corsou for di halto.

Dialuna 16 di november 1931, Schijns lo mester a transporta e dama Elisabeth Everon pa Aruba y a keda di bay diamars bek Corsou.

Diamars den oranan di merdia gezaghebber di Aruba a informa Corsou cu den careda di 11’or y mey, Schijns lo a lanta buelo for di Aruba direccion Corsou. Gezaghebber di Aruba no a menciona cu si e tabata tin un pasahero abordo.

Normalmente cada biaha cu Schrijns haci un buelo di Corsou pa Aruba of visa versa, e gezaghebbernan y havenmeesternan tabata avisa otro, pa nan ta pendiente di su yegada. Algun biaha a yega di pasa cu e mensahenan ta drenta laat of no ta yega mes. Door cu Schrijns mes tin ora tabata sali laat of ta cambia su plannan.

Diamars den careda di 3’or di atardi e havenmeester na Corsou a cuminsa bira preocupa paso Schijns no a avisa cu e la yega  Corsou. Mesora nan a check na Hato y a confirma cu Schijns no a yega Corsou. Mesora nan a manda un telegram pa Aruba pa mira si e aviado lo por a bira bay bek Aruba. Aruba mesora a contesta cu esaki no ta e caso.

Na Aruba nan a manda un mensahe pa Corsou cu Schijns a lanta buelo dialuna. Gezaghebber di Aruba e tempo ey mes a bay personalmente cu polis riba brommer pa busca den e area di San Nicolas, te cu e la pidi e tugboat di L.A.G.O. pa yudanan busca. E refineria di Aruba a manda su Tugboat pa busca rond den lama, esaki pa motibo cu algun testigo a mira Schijns pasa cu su avioneta hopi abou riba lama bay direccion di Corsou, pero nan a perde for di bista.

Señor Gauw na HATO a pidi un barco di guerra pa sali y yuda busca den e awanan entre Aruba y Corsou pasobra riba e barco nan tin lusnan bright, e barco a keda henter un dia y anochi ta busca, lastimamente sin resultado.

Tambe a manda un señal di S.O.S. pa tur barco cu tabata den e lama entre Aruba y Corsou pa yuda busca e aviado Schijns tur esaki sin resultado.

Nan tabata tin e fuerte sospecho cu Schijns su avioneta su motor lo a daña, e avioneta lo a cay den lama y Schijns lo a hoga.

E motibo pakiko nan a sospecha cu e motor lo por tabata tin fayo, pasobra diabierna e siman prome Schijns a conta hende cu e motor di su avioneta no tabata trahando bon y e mes a habri e motor for di otro. E sa cu su avioneta tabata tin mester di dos zuigers nobo y lo a bestelnan for di Hulanda caba. E la ripara  cu nan no tabata bon mas y esaki a pone cu e motor no tabata tin e forsa mas manera prome.

Tambe  a sali na cla, cu e dialuna merdia ey dos biaha e la trata na start e motor y e no kier a start. E tabata sa cu e avioneta no tabata dje bon ey y a conta cu e ultimo buelonan pa Aruba mester a bula algun meter riba lama. Probablemente Schijns a bula demasiado abou y lo a cay den lama y a hoga?? Un pregunta cu a keda sin contesta pa 90 aña

Schijns tabata un aviado yen di energia y cu tabata stima bula e avioneta aki. Schijns tabata tin tur e cualidadesnan pa e futuro mundo di aviacion, pero lamentabelmente e no a biba pa mira tur e desaroyonan cu a bin despues den e mundo di aviacion.

Den e tempo ey tabata tin un rumor cu tabata core rond cu Schijns no a cay den lama, e la hinca un escena den otro pa asina por a huy cu su amante pa un otro isla.  Esaki tabata core rond cu nan a bay biba na un otro isla y nunca mas a scucha di nan.

 

Segun Sr. Herman Dekker cu a relata tur incidente den pasado cu avionetanan Hulandes. Den un relato cortico a conta cu rumornan tabata core rond cu Schijns tabata tin un relacion amoroso cu Elisabeth Everon y cu nan lo a huy for di Aruba cu e avioneta aki y bay biba na un otro isla. Nunca mas a tende algo di nan y ni e famia di Schijns na Hulanda no a bolbe tende di dje.

17.11.1931 PH-AFX Pander EF 80 38 Caraïbisch gebied 

Tijdens een rondvlucht vanuit Curaçao verdwenen. Het verhaal gaat dat de bestuurder en zijn passagiere om het leven kwamen. In de West gaat echter óók het verhaal dat de hele verdwijning in scène was gezeten dat de bestuurder en zijn (gehuwde) geliefde elders nog lang en gelukkig(?)leefden. Er is naderhand niets meer van het stel vernomen, ook niet door familie in Nederland.

Bestuurder: G.E.J. Schijns(┼)(?)

Geliefde: mrs. Elisabeth Everon(┼)(?)

PH-AFX Pander EF 80 38 PH-AFX GEH Schijns /Amsterdam 09.05.31 2.050

Written off Caribbean 17.11.31