Home » Historia di Aruba: Na Santa Cruz, un disco tabata e causa principal di un asesinato

Historia di Aruba: Na Santa Cruz, un disco tabata e causa principal di un asesinato

by Admin
0 comment 1.7K views

Santa Cruz: Juni 1951

E historia di e biaha aki a sosode na aña 1951 den e dushi districto di Santa Cruz, e habitantenan di Santa Cruz a wordo geshock cu un asesinato hopi cruel, un sucedido cu henter Santa Cruz a keda papia di dje pa dianan largo.

E asesinato a sosode riba un diasabra un dia comun y coriente, e tempo ey Santa Cruz tabata  un districto hopi trankilo caminda tur habitante conoce otro of ta famia di otro. E trankilidad a bay den un pausa ora rumornan a cuminsa circula cu un dama di santa cruz a wordo asesina den un forma hopi cruel pa su casa.

 

Amor a primera bista
Tur cos a cuminsa un 80 aña pasa n’ey. E dama nos lo yama Luisa y e homber nos lo yama Mauricio.  Luisa un dama hopi alegre di Santa Cruz a conoce Mauricio. Mauricio tabata un stranhero cu ta papia ingles, supuestamente amor a primera bista. Hopi lihe e pareha a enamora y Mauricio a bay pidi man cerca mayornan di Luisa y despues di a haya un Si, e matrimonio a tuma lugar.

Cu añanan tabata transcuri e amor a cuminsa bira menos
Na comienso manera tur pareha recien casa cos tabata mustra un eterno luna di miel, pero cu añanan a sigui e amor grandi cu tabata existi entre Luisa cu Mauricio a cuminsa bira menos, cada aña e tabata bira menos. Encambio e rabia entre nan a cuminsa crece y cada aña esaki tabata bira mas grandi tambe. E pareha a cuminsa haya hopi problema mes y constantemente e bisiñanan tabata haci redo di con malo e bida matrimonial di e Luisa cu Mauricio tabata birando.

 

Veneno den cuminda
Cos a cuminsa bay for di man ora cu Luisa a cuminsa menasa Mauricio cu e lo dun’e veneno den su cuminda pa mat’e. Mauricio no a confia esaki y tambe a cuminsa pensa un plan  con pa mata Luisa.

Mauricio tabata un homber keto, un homber cu tabata gusta traha y tabata bay semper zuinig cu su placa. E no tabata un persona cu tabata gusta malgasta placa na cosnan di mundo, cosnan inecesario. Tur fin di luna  e tabata trece fielmente placa cas pa Luisa. Mientras Luisa si tabata gusta sali bay playa y cumpra cos y biba alegre etc.

“ken lo mata ken”
E pleitonan a keda bira mas grandi y e desconfiansa entre e pareha cada dia tabata bira mas grandi “ken lo mata ken”. E relacion a yega su punto culminante na momento cu riba 19 di juni 1951, despues cu Mauricio a bay traha, Luisa a pasa man pa placa di Mauricio y a dicidi di baña bista bunita y baha playa. E la scucha un cantica cu tabata na moda y e tabata kier a cumpra e disco aki, contra su casa su desicion.

Bay cumpra e disco na playa
Na playa Luisa a cumpra e disco y a cana poco den playa dje a bin bek Santa Cruz. Di e ora cu e la yega cas e la keda toca e disco sin stop. Den oranan di atardi Mauricio a bolbe cas despues di un dia di trabou, e tabata hopi cansa, su cabes tabata yen. Mauricio a ripara cu Luisa a hinca man den su placay a cumpra e disco. Esaki a pone Mauricio haya hopi rabia, e ta traha duro pa trece placa den cas y Luisa ta malgasta su placa cu un disco, algo cu no ta necesario. Mauricio a rabia pero asina mes a keda trankil, paso e tin su plan bon pensa caba.

 

Ehecuta su plan macabro
Diasabra 20 di juni 1951 mainta a habri y den oranan trempan Luisa a bolbe pone su disco toca.  Esaki a duna e homber un rabia y esaki tabata e desicion di mas malo cu Luisa por a tuma y riba dje e bida matrimonial tabata den un crisis serio caba. Luisa cu tabata tenta Mauricio door di keda toca e disco y pon’e rabia mas ainda.  Luisa a keda toca e disco te den oranan di anochi, esaki tabata net suficiente pa Mauricio bisa cu awe ta basta y pa e dicidi di ehecuta su plan macabro  cu e tabata tin plania pa lunanan largo caba, e tabat tin full e plan den su cabes.

Ora Luisa su barica a yena di pest e homber, e la subi cama pa bay drumi, Mauricio cu hopi rabia den su curpa a bay den cushina y a topa eynan cu un icepeak. Sin pensa dos biaha Mauricio a pasa man pa e icepeak  y a bay den camber, Mauricio ciega di rabia a cuminsa hinca su casa, pero ora e la ripara cu ainda e muher ta bibo, e la choka Luisa te ora cu e tabata sigur cu e la stop di hala rosea y a fayece.

E unico sospechoso, considera peligroso
No a dura mucho cu polis di e tempo ey a bay na e cas na Santa Cruz, aki nan a bin topa cu e curpa sin bida di Luisa, Mesora autoridad di e tempo ey  a cuminsa cu un investigacion, uno cu no a dura hopi cu autoridad a detene Mauricio como e unico sospechoso.
E homber a wordo considera peligroso y a keda cera, te dia cu e mester a presenta na corte. E la wordo encarcela algun luna na Aruba y algun luna na Corsou.

Na juni 1952, porfin Mauricio mester a presenta den corte. E homber di inicial M.CH. M. mester a presenta despues cu e la asesina su casa. Den corte e la uza su defensa cu e ta un homber trahado y no ta gusta malgasta placa na cosnan cu no ta importante, tambe cu na varios ocasion Luisa tabata menas’e di dune veneno den su cuminda pa mat’e.

Officier a pidi 10 aña
Hues den corte di prome instancia a sentencia Mauricio na 1 aña y cuater luna di castigo di prison y ta kita e periodo cu e tabata cera na Hiuis van bewaring y tambe pa e tempo cu ela keda preso na Groot Kwartier na Corsou.
E raportnan di pyskiater tabata bisa cu mester considera Mauricio ontoerekeningsvatbaar. Hues a tene cuenta cu esaki tambe. Officier si a exigi 10 aña di castigo di prison . Durante tratamento di e caso den Corte di Apelacion no a bin nada nobo, djis Mauricio e biaha aki a nenga di tabata cana lunanan largo cu un plan pa mata su casa. Segun su persona e la actua impulsivo y e tin hopi duele di a hacie.

Advocaat Generaal mr. Bijvoet den corte a bisa cu no mester bay blind tras di raport di psychiater, pasobra no por laga e sosopechoso cana liber den comunidad,  e mester wordo cera. Tambe e la bisa cu no por djis cera e sospechoso algun luna y despues lage den libertad.

Dia 1 di juli 1952 mainta trempan Corte a dicta sentencia, Mch M. a haya  4 aña di castigo di prison kitando e aña cu e tabata den detencion preventivo.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio