Home » Profesionalnan den Salud Publico a participa na un Curso Basico di  malesanan contagioso 

Profesionalnan den Salud Publico a participa na un Curso Basico di  malesanan contagioso 

by Admin
0 comment 92 views

 

Oranjestad, Aruba 25 april 2024. Despues di un curso educacional tocante  Combati Malesanan Contagioso ofresi durante e conferencia di DuCaPHen na  Curacao y Sint Maarten na oktober 2023, profesionalnan di Dutch ‘Caribbean  Public Health Expertise Network’ mihor conosi como DuCaPhen, a ripiti etraining  na departamento di Salud Publico y otro instancia cu ta traha na prevencion y  combati malesanan contagioso na Aruba.  

Durante e siman di 8 april, un total di 22 profesionalnan di diferente disciplina  cu ta traha departamento den salud publico, cuido di hoben, epidemiologia y  protocol a sigi un siman largo y intensivo di training cu enfasis na conosemento  basico, programanan varia consistiendo di teoria y session di practica. Esaki ta  extende na conosemento nobo di microbiologia, midimento di contagion,  diagnostico, vacunacion, epidemiologia, monitoreo y finalmento con pa  implementa maneho y legislacion aki na Aruba.  

Salud Publico ta orguyoso di por a duna aporte durante e proceso aki y ta desea  nos profesionalnan exito cu e conosemento nobo. Salud Publico ta pone enfasis  riba e importancia di crea un red di comunicacion caminda cada organisacion  den salud publico ta colabora hunto y crea conscientisacion den nos comunidad.  

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio