Trump ta elimina oficialnan di defensa y apunta personanan leal

E gobierno di Trump a pasa basora den e estructura di civilian leadership di Defense Department, kitando diferente di su oficialnan mayor y remplasando nan cu esnan leal na e Presidente.
E cambionan repentino, anuncia pa Department of Defense den un comunicado a penas 24 ora despues cu Presidente Donald Trump a kita Defense Secretary Mark Esper, a pone oficialnan den Pentagon agita y a alarma militarnan y oficialnan civil, kendenan ta preocupa pa locual por bin.
Cuatro oficial civil a wordo kita of a kita desde dialuna pasa, incluyendo Esper, su chief of staff y e oficialnan na top di politica y inteligencia. Nan a wordo remplasa pa hendenan presuntamente leal na Trump, incluyendo un figura controversial cu a fabrica teoria di conspiracion y a yama Presidente anterior Barack Obama pa terorista.
Pero e cambionan aki solamente a aumenta e sensacion di caos den Pentagon desde cu Trump a kita Esper. E presidente a haci esaki 2 dia despues cu su oponente democratico, Joe Biden, a wordo projecta como e ganador di e eleccion presidencial, un conclusion cu Trump a nenga di accepta. Preocupacionnan ta crece cu un periodo caotico di transicion por interferi cu seguridad nacional.
Mientras oficialnan a bin ta soporta Trump su desicionnan inespera desde cu el a sinta como presidente, e nivel actual di inseguridad a crece rapidamente desde e eleccion.
“E situacion aki ta causa miedo, e ta hopi preocupante,” un oficial di defensa a bisa CNN. “Esaki ta practica di un dictador.”
Varios oficial civil y militar trahando den Pentagon ta puntra nan mes, si e despedida di Esper y otro oficialnan awor ta habri caminda pa Trump, den su ultimo simannan como presidente, por logra cumpli cu e iniciativanan cu e semper e kier a logra, pero cu Pentagon ta opone.