Home » E cientifico cu ta studia hende cu poco prome cu nan muri ta “mira” sernan keri cu ya a fayece

E cientifico cu ta studia hende cu poco prome cu nan muri ta “mira” sernan keri cu ya a fayece

by Admin
0 comment 312 views

Na april di 1999, e dokter Mericano Christopher Kerr tawata testigo di un episodio cu lo a cambia su carera profesional.

Un di su pashentnan, un muhe di 70 aña bou e nomber di Mary, tabata na rand di morto, rondona pa su cuater yiunan adulto den e camber di hospital caminda e tabata traha.

Na un momento, Mary a sinta ariba cama y a cuminsa move su brasa manera si fuera e tabata carga un baby cu solamente e por a mira, kende e tabata yama “Danny”, y cu tabata parse cu e tawata brasa y sunchi.

Locual a sosode a laga tur hende den e camber keda sorprendi, door cu niun hende conoce un persona cu yama “Danny”.

Sinembargo e dia siguiente ruman muhe di Mary a bin bishit’e na Hospital, y nan a conté kiko a sosode. E la splicanan cu decadanan prome su ruman a perde su prome yiu cu a ser yama Danny e lo a nace morto.

E dolor di e perdida tabata asina grandi cu Mary a pasa e resto di su bida sin papia di e yui. Sinembargo, na momento di su morto, e vision di e yiu perdi asina hopi aña pasa a trece consuelo pa e muhe.

Kerr a conta e storia aki den varios entrevista y conferencia pa ilustra con, despues di un carera cu a cuminsa na un forma convencional, cu specialisacion den medicina interno, un specialisacion den cardiologia y un dokter den Neurobiologia, e la dicidi di cambia direccion y dedica su mes na studia e experiencianan final di pashentnan terminal.

Awe, 25 aña despues di a topa Mary, Kerr ta wordo considera como un di e autoridadnan mundial principal den estudio di experiencianan di fin di bida, manera nan ta ser yama vision y soñonan comun den pashentnan cu malesa terminal.

Segun e, e experiencianan aki ta cuminsa simannan prome cu e persona muri y ta aumenta den frecuencia segun e dianan ta yegando.

E ta bisa cu e la mira hende rebiba momentonan importante di nan bida, papiando cu nan mama, tata, mucha y hasta mascotanan cu a muri varios aña prome.

Pa pashentnan, e visionnan ta parse di ta real y intenso, cu significacionnan profundo y generalmente ta trece un sintimento di paz.

Kerr ta indica cu e pashentnan aki no tin pensamentonan confuso ni inconsistente y cu, aunke nan salud fisico ta deteriora, nan ta emocional y spiritualmente presente. Pero hopi dokter ta exclui e fenomeno aki como halucinacion of como resultado di un confusion.

Asina aki, Kerr na 2010 a inicia su estudio pionero na Estados Unidos.

Te na e momento ey, mayoria di e relato di e experiencianan aki tabata bin di tercero, pero e dokter a lansa un encuesta formal, cu enfoque cientifico, den cual e pashentnan mes tabata ser entrevista y examina pa sigura cu nan no tabata confundi.

Su investigacion ta enfoca ariba e frecuencia cu e experiencianan aki ta tuma luga na final di bida, con hopi dia (of siman) prome cu morto, e temanan principal, kiko e pashentnan ta sinti y e impacto di esaki ariba e famianan, entre otro puntonan.

E resultadonan a keda publica den diferente articulo cientifico. E dokter ainda no a haya un contesta definitivo pa splica e experiencianan aki, y e ta bisa cu descifra e causa no ta e enfoque principal di su estudionan.

Kerr ta ceo di un Hospice & Palliative Care, un organisacion cu ta brinda cuido paliativo na Buffalo, New York.

Na 2020, e la publica e buki Death Is But a Dream: Finding Hope and Meaning at Life’s End (“e soño di e moribundonan: e encuentro cu sentido y speransa na final di bida”, den e edicion na Spaño), y traduci na 10 idioma.

¿ Kiko ta e diferencia di e experencianan final di bida di un mucha y un adulto?

E muchanan ta haci’e miho debi cu nan no tin e filter nan[ cu un adulto si tin] tin un habri. Nan no ta delinea un grens entre locual ta imaginacion y realidad.

Nan no tin concepto di mortalidad tampoco, pues nan ta biba e momento, nan no ta pensa den termino di secuencia di eventonan y final.

Locual si nos ta wak hopi cu tin e experiencianan aki na un manera hopi creativo y colorido, y intuitivamente nan sa kiko e ta significa.

Si e no a conoce un hende cu a muri, sigur e conoce un mascota cu a muri y hopi biaha nan ta regresa cu e mesun claridad, bibo y saludabel.

E muchanan ta bisa nos hopi biaha cu [e experiencia aki] ta nifica pa nan cu nan ta ser stima y cu nan no ta nan so.

¿Kico ta e impacto di e experiencianan aki riba famianan y personanan cerca na e pashentnan?

Nos a publica dos articulo cientifico tocante esaki, cu 750 entrevista, y ta fascinante. E conclusion ta cu loke ta bon pa e pashent ta bon tambe pa su sernan keri.

E manera con hende ta laga nos ta importante. Sea nos ta mira morto como un bashi y un degradacion, of si nos ta mira nos ser keri reconectando cu e hendenan cu e ta stima.

Nos a hasi un estudio hopi interesante den cua nos a analisa e proceso di rouw. Y tin manera pa midi esei, con hende ta progresa, si nan por corda [ken nan a perde] den un manera saludabel, e tipo di cosnan ey.

Hende cu ta mira e tipo di experencianan aki na final di bida ta yora den un manera hopi mas saludabel, pasobra nan ta forma nan percepcion y nan memoria di esnan cu nan a perde.

Na final di e entrevista a puntre esta Kerr si e ta religioso, si e ta kere den bida despues di morto? Y si su creencia nan a cambia despues di tanto aña trahando ariba e tema aki.

Mi ta kere cu despues di 25 aña, loke mi ta sinti ta cu tin un historia miho. Y mi no sa kiko e ta, pero mi tin asina hopi respet pa loke e hendenan aki ta experencia cu ta haci mi tin speransa di algu mas.

Y tin algun cos [cu a keda hopi cla]. Un di nan ta cu nos no ta perde e hendenan cu nos ta stima, nan ta sigui existi pa nos, no solamente den un forma distante, den fotonan of corda den memoria, sino den presencia.

Mi a mira hombernan di 95 aña cu a perde nan mama ora nan tabatin cinco aña, y nuebe decada despues, e ta einan, nan ta tende su stem y ta haya holor di su perfume.

Pues bo ta sinti cu tin algo mas. Morto y muri no por ser defini como algo bashi, Kerr a termina bisando.

Source: BBC

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio