Home » Peaton seriamente herida, despues di wordo alcansa pa un Suzuki Swift

Peaton seriamente herida, despues di wordo alcansa pa un Suzuki Swift

Chauffeur deteni, pa core auto bou influencia

by Admin
0 comment 139 views

Tanki Leendert – Diasabra marduga rond di 4’or, polis a bay ariba e caminda di Tanki Leendert poco mas panort di e rotonde di Tanki Leendert cu WVB.

Informacion a drenta cu tin un persona ariba caminda benta.

Polis na yegada mesora ta pidi ambulance cu urgencia, debi cu e persona un cabayero lo a wordo gedal door di un auto.

A constata cu masha hopi sanger tawata saliendo di boca di e victima, rond di e dje ariba caminda partinan di e spiel di e vehiculo cu a dal e.

Paramediconan mesora a baha y cuminsa duna prome auxilio, preparando e victima pa bay Hospitaal. E victima tawata na tino, ora cu Paramediconan tawata trate.

Algun meter di dje, e chauffeur di e Suzuki Swift tawata duna polis su version y banda di pabou di caminda para cara pazuid e Swift cu spiel banda drechi ranca. E auto banda drechi tawata tin danjo, indicando unda e homber a wordo gedal.

Polis a detene chauffeur di e Swift, unda cu na yegada di transportwagen e la wordo hiba warda di Shaba, mientras Paramediconan tawata bayendo direccion Hospitaal cu e peaton.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio