Cu un cantidad record di paciente di coronavirus hopi experto di salud a adverti cu e cantidad total di hende interna den hospital pa dia tambe lo subi.
Diamars pasa, e cantidad di hende cu Covid-19 den hospital na Estados Unidos pa prome bes a pasa 60.000.
COVID Tracking Project, un organisacion voluntario cu ta compila data ariba casonan di coronavirus a bisa, cu e cifra desde diamars tawata 61.694. Esaki ta 2,024 mas hende cu e cantidad interna dia 15 di april, e record previo.
E averahe actual na Estados Unidos ta mas o menos 1.661 hende nobo pa dia, segun informacion compila pa e organisacion.
E cifranan ta preocupante, pasobra aumentonan den hospitalisacion mayoria bes ta wordo sigui pa un aumento den morto. Siman pasa tawata e di 5 siman cu mas di 1.000 morto di Covid-19, e prome bes cu esaki a pasa desde augustus. Mas di 1.300 morto a wordo raporta diamars.
Mas di 239.000 hende na Estados Unidos a muri desde e comienso di e pandemia, segun Johns Hopkins University. Otro 110.000 morto ta wordo pronostica pa e siguiente 2 luna, segun University of Washington’s Instituto for Health Metrics and Evaluation.
Hospitalisacion pa motibo di Coronavirus ta kibra record na Estados Unidos
56