Update: A trata di comunica cu Kustwacht pero no kier duna niun comentario. For di un live broadcast di coleganan den prensa na Korsou Direct Media Curacao, nos a bin compronde cu un helicopter di marina real a yega enberdad na Corsou pero pa busca un dive team.
Mirando e reacion di parti Kustwacht y cu a bin busca un dive team completo for di Corsou, ta mandando un señal cu e situacion ta hopi mas serio di locual inicialmente den nos informacion extra official nos a bin ta presenta.
Nos ta wardando riba Kustwacht/Marina Real pa duna nos e informacion oficial di locual exactamente a sosode.
Actualmente e noticia nan ta hopi confuso, debi cu prensa no ta hayando informacion via canalnan oficial, pero ta hayando for di diferente angulo informacionnan inoficial por ehempel cu tin varios morto, tin hende perdi den lama, tin dos herido, un ta grave, cu e helicopter a topa cu un boto y riba e boto tabata tin dos persona hopi malo etc. Diferente version ta circulando, pero oficialmente nos no por confirma niun di esakinan, mirando cu e tragedia lo a pasa riba lama hopi leu for di Aruba.