Rooi Bosal: Diasabra den oranan di mainta, presencia di polis a wordo pidi cu hopi urgencia na un adres na Rooi Bosal. Esaki pa motibo cu un persona a dicidi di bay bishita un famia di dje y a bin topa cune morto den su cas.
Na prome instante a pensa cu e curpa lo tabata kima, pero hopi liher a bin compronde cu e persona ta un hende flaco y cu e curpa ta den un estado avansa di decomposicion.
Na yegada polisnan enberdad a bin topa cu e curpa ariba vloer den cushina. Mesora a pidi pa presencia di autoridadnan concerni, dokter y slachtofferhulp. Tambe departamento di Polis Tecnico a presenta pa cuminsa cu e investigacionnan necesario. Na e sitio por a comentarionan cu e persona aki ta biba su so y tin posibelmente un luna morto den su cas.
Dokter Texier a presenta na e sitio y a constata morto di e persona aki di fam D.
Te na e momentonan aki, no a ricibi niun comunicado oficial di parti di Cuerpo Policial di Aruba. Asina nos ricibi mas informacion nos lo publica esaki.
