Francia ta adverti pashent di Coronavirus (COVID-19) pa no uza Ibuprofen; esaki por trece complicacion cune.
Autoridnan Frances ta adverti esnan contagia cu e coronavirus pa no uza Ibuprofen. Diasabra Francia su minister di salubridad, Olivier Véran, a publica un mensahe riba su Twitter account bisando:
“Tumando anti-inflamatorio [ibuprofen, cortisone…] por empeora e infeccion. Den caso di keintura, tuma Paracetamol. Si bo ta tumando algun medicamento anti-inflamatorio, puntra bo dokter pa conseho.”
Expertonan medico ta informa cu e medicamentonan aki (anti-inflamatorio) ta conoci caba pa ta un riesgo pa esnan cu tin un infeccion. E motibo pa esaki ta cu e medicamentonan aki ta baha e sistema inmunologico di un persona.
Ta advisa pa esnan contagia cu e virus uza Paracetamol pa evita cualkier complicacion.