Relaciona cu e crisis di Corona Virus COVID-19 Gobierno di Aruba a tuma e siguiente desicionnan.
•A dicidi cu ta cancela tur actividad publico y tambe priva cu tin permiso di polis entrante awe 15 di maart te cu 31 maart.
•Nos ta restringi biaheronan for di Hulanda, Europa y demas paisnan riba e lista di WHO entrante 16 di maart te cu 31 di maart cu excepcion di residentenan.
•Desde ayera Aeropuerto Reina Beatrix a eleva su control riba vuelonan procedente di paisnan cu no ta cay bao di e lista di ristriccion.
•Scolnan lo ta sera entrante dialuna 16 di maart te cu 20 di maart, despues lo evalua e situacion. E medida tuma ta conta pa scol, creche, traimerdia y tur instancia cu ta encarga cu educacion y cuido di nos muchanan.
•Ta prohibi haci bishita na casnan di cuido di nos grandinan
•Departamentonan di gobierno lo traha abase di cantidad di personal minimo. Lo duna servicio abase di cita mas tanto posibel via telefon y email. Y caminda cu mester duna servicio na publico, lo evita aglomeracion.
Awor nos mester concentra pa contene y preveni cu e virus ta wordo transmiti.
Nos ta pidi tur hende atencion pa esaki.
E desicionnan aki a ser tuma despues di amplio deliberacion cu e commission di crisis di gobierno di Aruba. Esnan mas na riesgo ta nos Grandinan riba 60 anja y esnan cu ta sufri di malesanan cronico.
Laba mas mas tanto posibel pa 20 seconde y usa habon of hand sanitizer. Evita di bin den contacto fisico cu otronan, saluda otro sin duna man, brasa of sunchi.
Y si un hende ta sinti malo, NO sali for di cas. Pero yama 280-0101 pa mas informacion