82
Ponton: Diasabra den oranan di mainta a sosode un accident riba e caminda di Ponton un poco mas panort di WEMA. Esaki tabata pa falta di dunamento di preferencia. Mesora a pidi pa presencia di polis y ambulance, pa motibo cu e motociclista a keda herida.
Na yegada, polis a topa cu personal di brandweer cu a yega prome na e sitio, pa asina cuminsa atende cu e accident te ora cu polis y ambulance a presenta.
Na e sitio polis a bin compronde cu ta trata di un Toyota Yaris y un brommer. E brommer a dal contra e auto y e motociclista a keda herida benta riba caminda.
Polis di trafico tambe a presenta pa atende cu e accident. Personal di ambulance a trata e victima na e sitio y despues a transport’e pa hospital pa un tratamento medico mas avansa.