Persona a fayece na Caya Totomo

Caya  Totomo – Diadomingo den oranan di mainta polis a bay un adres na Caya Totomo, unda un persona lo a bira malo y ta ariba vloer.

Na yegada di tanto polis y ambulance mucho mas no por a haci, debi cu ya e persona no tawata duna señal di bida.

Agentenan na e sitio a bay over e ora pa pidi presencia di Dokter.

Dokter Texier cu ta e dokter cu semper ta traha cu polisnan a presenta y a constata morto di e persona . Lo ta trata di un morto natural.

Slachtofferhulp tambe a wordo avisa pa atende cu e famia.