Papa Francisco a pidi despensa pa loke ela haci, na momento cu un muhe a insisti pa duna Papa man y a ranca Papa su man pa asina e por dun’e man, Papa Francisco aparentemente lo a perde pasenshi y a klap e muhe riba su man. Esaki a sosode riba Plaza San Pedro na Roma.
Roma, Italia: Papa Francisco, a pidi despensa pa loke ela haci e anochi anterior y na momento cu un dama aziatico, a gara Papa su man y a rank’e pa dun’e man, esaki no a cay den bon tera cerca Papa Francisco, ela perde pasenshi y a dal e un klap riba su man. Esaki sigur a crea un comocion riba medianan social. Riba e video por mira con Papa Francisco a haci cu e dama.
Prome cu e oracion Angelus, Papa Francisco a pidi despensa y a bisa cu ” Masha hopi biaha mes nos ta perde pasenshi y esaki ta pasa cu mi tambe, mi ta pidi despensa pa e ehempel malo aki.”
Esaki sigur no ta prome biaha cu e Papa ta nenga contacto fisico cu hende, na maart aña pasa ela kita su man for di varios hende cu kier a sunchi su man y su renchi. E biaha ey Vaticano a bisa cu ta pa motibo di higiena ela haci’e.