Najib Amhali durante su vacacion na Corsou a wordo atraca, E comediante a wordo menasa cu un cuchiu y un arma di candela, esaki ela pone riba su cuenta di Instagram.
WILLEMSTAD, CORSOU:Najib Amhali, un comediante/artista Hulandes di desendiente Marocano,a ripara cu dos taira di su auto tabata flat y tabata mustra cu un hende a hincanan, mesora ela yama e compania di huur auto. Net na e momento ey un auto a dal para banda di su auto y e porta di e auto a dal habri. Un homber cara tapa a baha for di e auto y a core bay den direccion di Najib.
Najib a spanta y tambe a cuminsa core, su amigonan cu tabata den auto a spanta y a cuminsa grita. Najib a scucha su amigonan ta grita , ela bira wak y a mira un otro homber cu un arma di candela, te na e momento ey ela realisa cu ta trata di un atraco arma.
Najib a acerca su atracodornan bisando nan pa nan bin trankilo, manera cu un di e atracadornan a mira e holoshi man di Najib, mesora ela bise pa dun’e. E otro atracador cu tabata tin un cuchiu den su man a kita e cellular for di Najib, mientras for di su amigonan den auto nan a bay cu un tas y e atracadornan a bandona e sitio.
A pesar di e susto cu e comediante hulandes a pasa den, e ta determina di sigui gosa di su vacacion. Segun e comediante “algo asina por pasa un hende unda cu ta, pero mi no ta laga esaki daña mi vacacion”. E ta gradici Dios cu su yiunan tabata den e otro auto y no a nota mucho di loke a sosode cu Najib.