Diesocho instituto di enseñansa y conocemento di e parti Caribense di Reino y Hulanda ta bay sigui structura y intensiva nan cooperacion riba tereno di enseñansa, investigacion y ciencia mas. Asina por ehempel nan kier bay desaroya entre otro programanan di enseñansa conhuntamente. E colaboracion special ta resultado di e mision di conocemento den e area Caribense bou di liderazgo di minister Dijkgraaf (Enseñansa, Cultura y Ciencia). Diabierna ultimo a clousura esey na Corsou.
Minister Dijkgraaf (Hulanda): ‘Hunto cu mi coleganan minister di e otro tres paisnan di Reino nos a traha duro e ultimo añanan riba mas cooperacion den Reino. Cu exito. Wak por ehempel e Beca di Reino pa intercambio di duracion cortico di studiante. Awor nos ta bay pa e siguiente fase. Mi ta sumamente contento cu e iniciativa aki di e institutonan di conocemento. Awor por pasa e batuta di e forma maravioso aki.”
Minister Van Heydoorn (Enseñansa, Ciencia, Cultura y Deporte, Corsou): “Studiantenan di e paisnan Caribense ta para den e fase aki mas central ainda cu antes. Esey ta importante pa mi. Traha hunto riba exitonan di estudio palabra cu otro, ta traha hunto tambe riba desaroyo personal corecto di e hobennan aki. E institutonan di conocemento conhunto lo inclui e aspecto di formacion aki explicitamente den nan programanan nobo. P’esey e iniciativanan di e institutonan di conocemento por keda conta riba mi pleno apoyo, pasobra e paisnan Caribense ta beneficia di profesionalnan hoben bon para den bida.“
Programanan educativo
E institutonan ta ofrece e arsenal completo na enseñansa superior: mbo, hbo y wo, den e caso aki complementa cu ciencia. Nan kier bay traha hunto pa entre otro conhuntamente desaroya programanan educativo. Pensa por ehempel riba un estudio di docente. Ta bay tambe pa intercambio di studiante (cu ayudo di Beca di Reino), investigacion practico of academico conhunto y pa comparti informacion y recursonan educativo cu otro. Pa loke ta trata e iniciativanan ta trata tambe di e impacto di pasado di sclavitud den enseñansa di awendia.
Consulta
Den un declaracion di intencion a palabra cu ta bin un consulta administrativo cu lo bay formula un agenda di trabou. Den esey ta inclui tambe studiante- y partidonan di mercado laboral. Den curso di e aña aki mester desaroya e actividad- y formanan di cooperacion.
Institutonan individual naturalmente tambe por dicidi di bay traha hunto. Asina por ehempel durante e mision di conocemento e universidadnan di Aruba, Corsou, Haagse Hogeschool y Universidad di Utrecht a haya otro den e ambicion pa start un estudio part-time di administracion publico. Esey lo mester fortalese e poder administrativo riba e islanan.
E partidonan envolvi di Aruba ta EPI, Universidad di Aruba y IPA, di Hulanda Caribense SGB Bonaire, di Corsou Nilda Pinto SBO y Universidad di Corsou Dr. Moises da Costa Gomez y di Sint Maarten University of St. Martin y NIPA.
Di Hulanda ta trata di ROC Amsterdam, ROC Zadkine, Aeres, De Haagse Hogeschool, Fontys Hogeschool, NHL Stenden, Unversidad di Utrecht, Universidad di Maastricht, KNAW y NWO.