Home » Corsou: Wardacosta y Polis a detene grupo di indocumentado na Oostpunt

Corsou: Wardacosta y Polis a detene grupo di indocumentado na Oostpunt

by Admin
0 comment 147 views

 

Djabièrnè 5 di aprel 2024 den oraranan di mainta Wardakosta a haña notifikashon ku tin  un boto tipo yola ku lo a subi barankanan na ostpùnt den area di Hambrak. Mesora  Wardakosta a mèldu e informashon akí na Kuerpo Polisial di Kòrsou i huntu e  outoridatnan a manda patruyanan na tera di Wardakosta, miembronan di warda di polis  di Montaña i unidatnan di U.S.T. i e helikòpter di Wardakosta den direkshon di e sitio. 

Durante e búskeda, ku a dura henter dia, riba tera a detené den oranan di mainta seis  (6) indokumentado. Den e ٔárea a enkontrá un tas, den kua tabatin arma di kandela.  Den oranan di atardi i anochi Wardakosta i Polis a laga e helikòpter i patruyánan den e  área i a bin topa ku shete (7) indokumentado mas. Na tur a detené 13 persona  indokumentá, di kual 7 hende hòmber i 6 hende muhé. Un di e hendenan muhénan ta  trata di un menor di edat. Ta trata di diesdos (12) persona di nashonalidat Venezolano i  un (1) Colombiano. 

Den e grupo di indokumentadonan aki, tin persona ku ya kaba den pasado a keda  deportá for di nos isla i tambe un dama, ku a keda sentensiá pa trafikashon di hende.  Tur e personanan aki a ser entregá na Departamento di Imigrashon, ku lo kontinuá ku e  investigashon den e kaso akí. 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio