Home » Dos mucha homber di 12 y 13 aña a keda deteni, relaciona cu un candela den cual un tata y su yiu homber di 4 aña a fayece

Dos mucha homber di 12 y 13 aña a keda deteni, relaciona cu un candela den cual un tata y su yiu homber di 4 aña a fayece

by Admin
0 comment 78 views

Polis a detene dos hoben un di 12 y e otro di 13 aña, como sospechosonan principal relaciona cu un candela den un flatgebouw den cual un tata (39) y su yiu homber (4) a fayece, tambe un mama (36) y su yiu muher (8) a keda  herida.

Arnhem, Gelderland, Hulanda: Prome cu cambio di aña, un famia cu a bay bishita un otro famia, na un flatgebouw riba Gelderseplein na Arnhem. Na momento cu nan ta para den e lift pa subi pa bay na e cas un vuurwerk a rementa den e hal di e flat y a pega candela.

E tata di 39 aña tabata para den e lift cu su yiu homber di 4 aña, na momento cu e vuurwerk a rementa den e hal y a pega candela. Mesora coriente a bay y nan a keda pega den e lift, via e tubo di e lift a drenta hopi  huma den e lift, nan a enhala demasiado huma y cu consecuencianan fatal.

Diaranson den oranan di mainta, depsues cu autoridad a mira e camaranan di siguridad, nan a drenta den e flat unda tabata tin e candela y a detene dos hoben un di 12 y e otro di 13 aña, nan ta oficialmente e posibel sospechosonan of ta envolvi den e cendemento di candela cu su consecuencianan fatal, esaki vocero policial di Arnhem a informa.

Segun brandweer, enberdad e candela a wordo ocasiona probablemente door di vuurwerk cu a cay den e hal di e flat, pero con e por a drenta net den e hal di e flat y ki rol e dos mucha hombernan a hunga den e caso aki, ainda mester investiga.

E victimanan ta biba na Arnhem y a bay bishita un otro famia den e flat na Gelderseplein.

 

fuente y imagen: Telegraaf

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio