Savaneta – Diaranson merdia pa mas o menos 3’or Cuerpo Policial a manda un relato oficial di e caso di Hogamento altura di Flying Fish Bone.
E comunicado ta bisa lo siguiente:
“Diaranson despues di merdia pa 12:38 central di polis ta wordo notifica cu un rato pasa lo a topa cu un curpa sin bida den lama na Savaneta.
Central ta manda patruya di polis inmediatamente na e sitio. Patruya ta yega y enberdad ta haya e curpa di un señora. Polis technico a presenta pa asina haci nan investigacion necesario. Pa 13:55 dr. Texier ta consta morto di e sra R.W. naci na Aruba di 75 aña . Probablemente e señora a hoga .
Por a compronde cu e señora lo tabata kedando ey banda mes.
Slachtofferhulp a presenta pa asina brinda asistencia na e famia.
Nos di Cuerpo Policial ta manda palabra di condolencia na famia di e fayecido”.