Un anciano a huy for di Huize Maristella y a wordo haya sin bida canto di lama na altura di Flying Fishbone.
Savaneta: Diaranson den careda di 1’or di merdia, ta drenta un informacion di un curpa sin bida ta drief den lama un poco pabou di e restaurant Flying Fishbone.
Mesora a manda polis, ambulance y brandweer na e sitio.
Na yegada enberdad nan ta topa cu un curpa sin bida di un persona femenino di edad. Personal di brandweer a saca e curpa sin bida pone canto di awa.
Personal di Huize Maristella tambe a yega na e sitio y a confirma cu ta trata di un persona cu ta bibando na Huize Maristella y lo a sali.
Aparentemente elo a bay dal un landa, paso nan a haya su slofnan poni canto di awa. Durante cu elo a drenta lama algo lo a pasa.
Slachtofferhulp, recherche y departmento tecnico di polis tambe a presenta na e sitio.
Dr. Texier a yega na e sito pa constata morto.