Oranjestad, diahuebs, den careda di 4’or di marduga, coriente a bay na diferente area di Aruba. Esaki debi cu lo a surgi un problema cu producion di coriente den e planta di WEB, mesora e tecniconan di Elmar cu ta trahando warda den e oranan di marduga a mobilisa y a cuminsa traha pa soluciona e problema aki, pa asina evita cu e problema por bira mas grandi y tambe pa e barrionan afecta no keda hopi largo sin coriente. Den algun minuut a cuminsa reestablece e suminstro di coriente.
E areanan afecta tabata Santa Cruz un parti, Savaneta un parti, Seroe Blanco, , Paradera, Noord, Oranjestad, Shaba.
Danki na e bon trabou di e tecniconan di Elmar, prome cu 5’or di marduga. coriente a keda reestableci den tur e areanan afecta.
Pa mas informacion semper por bishita e Facebook Page di N.V. ELMAR, constantemente e ta wordo update.