Oranjestad – Aruba
Diamars atardi e team di Unit Narcotica a haci diferente entrada hudicial y detencionnan.
E accion a cuminsa na Ranchostraat y despues Seroe Patrishi.
Na e cas na Ranchostraat a detene dos homber y un hende muher. Ta trata di e homber R.D.C.M. 26 aña, e homber S.I.W.S. di 23 aña y e muher A.A.T. di 65 aña.
Na e sitio a confisca un auto, dos brommer y droga.
Despues e team di Unit Narcotica a presenta na un cas den Seroe Patrishi. Eynan a haci un entrada hudicial y durante ristramento a bin topa cu arma di candela como tambe municion y droga .
Durante e accion di e Unit Narcotica tabata presente team di Aresto, Flex Team, K-9 Unit, tambe Ministerio Publico.
Unit Narcotica ta trahando incansablemente pa asina combati e bendemento di droga diariamente.