Oranjestad – Den oranan di mainta informacion a sali cu lo ta trata di un posibel caso di asesinato riba un crusero. Tawata tin indicacion cu un persona lo a fayece y cu tin algun evidencia mustrando na posibel caso di ‘foul play’, pues cu kizas no ta trata di un fayecemento natural.
E siguiente ta un relato cu vocero di Cuerpo Policial Aruba a publica:
“Awe diamars mainta pa 6.58am central di polis ta wordo notifica di un caso cu lo a tuma lugar riba e barco crusero Royal Princess. Informacion cu nos tin te cu awor cu ta trata di un señora cu a fayese y cu probablemente no ta un morto natural.
E autoridadnan concerni ta ne momentonan aki ainda riba e barco crusero y ta hasiendo nan investigacion . Polis technico te ainda ta bezig cu e investigacion . Recherce, fiscal, slachtofferhulp ta eynan ainda tambe”
