Mangel Halto – Den oranan di merdia a sali e tristo noticia cu un cabayero lo a bira malo y hoga. Personal di ambulance a haci tur locual nan por a haci pa resusita e victima, pero no a logra. E turista a fayece na e sitio.
E siguiente ta e relato oficial cu Cuerpo Policial Aruba a comparti:
“Awe diamars merdia pa 12:13 central di polis ta wordo notifica cu un persona lo a bira malo den lama na mangel halto. Patruya di polis ta bay cu urgencia na e sitio y na su jegada ta pidi pa ambulance mirando e situacion di e turista masculino.
Lamentablemente ambulance no por a haci nada pa e turista. Pa 13:15 dr Texier ta constata morto di e turista K.J. naci na merca dia 25-12-1969.
Slachtofferhulp a presenta pa asina guia e famia den e momento dificil aki . Cuerpo policial ta manda palabra di condolencia na e famia di e fayecido.”