Home Police Algun homber bendiendo productonan cas pa cas, sin e permiso necesario pa...

Algun homber bendiendo productonan cas pa cas, sin e permiso necesario pa haci esaki

Papaya:Diaranson den oranan di mainta un patruya a wordo pidi pa bay den area di Papaya, pa motibo cu algun habitante di Papaya lo tin molestr di algun homber italiano cu lo ta pasa cas pa cas y ta trata di bende algun articulo.

E hombernan aki tabata core den un V car, Toyota Yaris Shinishi y aparentemente nan lo tabata pasa bende set nan di weya. E patruya a pasa den full e area di Papaya y no a topa nan. Algun rato despues un patruya a bin topa cu e V car aki na un adres na Montaña, polis a acercanan y a papia cu nan, enberdad e dos ocupantenan di e auto tabata trata na promove algun articulo pa nan futuro negoshi na Aruba. Polis a splicanan cu sin permiso bo no por bende riba caminda publico.

E hombernan aki a compronde y a priminti cu nan no lo sigui cu esaki, despues cu polis a tuma nan datos, nan a sigui nan destino.