Home Police Chauffeur no ta controla su velocidad na tempo, ta subi rotonde di...

Chauffeur no ta controla su velocidad na tempo, ta subi rotonde di Dadelstraat y ta dal contra un mata

Tarabana: Diabierna den oranan di marduga presencia di polis y ambulance a wordo pidi na e rotonde Dadelstraat pa un accidente cu un persona herida.

Na yegada nan ta bin compronde cu e chauffeur di un Toyota Vitz tabata biniendo cu velocidad halto for di pabou y no a controla su velocidad na tempo, a subi e rotonde y dal contra un mata. E chauffeur pa un motibo of otro a bandona e sitio pa un rato pero hopi liher a yega bek.

E chauffeur tabata levemente herida y tabata keha cu e tin un poco dolor pero asina mes no tabata kier a ricibi atencion medico di personal di ambulance. Ela keda di bay durante dia, cerca su dokter di cas.