Home Sports Cla pa enfrenta SV Dakota den Copa ABC SV Vesta di...

Cla pa enfrenta SV Dakota den Copa ABC SV Vesta di Corsou a yega Aruba awe mainta

 

 

ORANJESTAD, Aruba – 15 di September 2018: Awe nochi lo tuma luga e prome wega di Copa ABC, unda cu SV Dakota lo enfrenta e sub campeon di Corsou, SV Vesta. Mainta trempan e team di Corsou a yega Aruba. E team a yega motiva y tabata entusiasma pa representa Corsou.

 

Na aeropuerto nan a topa cu representante di Arubaanse Voetbal Bond (AVB), Harvey Clement, kende a yama nan bon bini. E hungadonan di SV Vesta a expresa di a bin prepara pa gana SV Dakota pa nan por avansa den e competencia.

 

AVB ta invita comunidad di Aruba pa yega awenochi na Guillermo Prospero Trinidad desde 7’or pa apoya SV Dakota, representando Aruba den Copa ABC.